سامحونى

ناديت فيكم فأغيثونى ومن وهم الحب أخرجونى

فأنا حبسه حبى له فمن سجنى حررونى

فأن كان قلبى عالقُ بقلبه فعن قلبى أبعدونى

وأن كانت عينى أعتادته فأخدوا منى عيونى

أفلا تسمعون ندائى أفلا تساعدونى

ليتكم تفهموا صمتى وتقرأوا منه شجونى

من منكم يشعر بقلبى دون أن تدمع عيونى

ليس فيكم من يعرفنى أو يفهمنى من سكونى

تحاولون البعد عنى وتملون سماع همومى

لو أنكم كنتم بحالى لكنتم بعينى تعرفونى

وأعلموا أنى حاولت فأن عدت لحبه فسامحونى

فمن الصعب على أن أنسى من لم ترى غيره عيونى

اهلا بكم

اهلا بكم على راى حمدى قنديل
انا بختصار وبدون مقدمات ممله حابه انى اقولكم الغرض من انشائى هذه المدونه والسبب فى ذلك
انا زى اى حد عادى يحب انه ف لحظات ومواقف الحياه المختلفه احب انى افضفض لحد يسمعنى
ويحس بيا ومن منطلق المبدأ الى انا اصبحت مؤمنه بيه جدا ان مافيش حد بيحس بحد ابدا مهما كان
فوجد ان ف الكتابه الحل لهذا الوضع فكنت بكتب الى انا حساه اول باول كل احاسيسى سواء كانت
فرح حزن خوف قلق توتر سعاده فشل اى حاجه بحس بيها لكن ف يوم اكتشفت انى مش لوحدى ف
الدنيا وان فيه عيون بترصد كل تحركاتى المريبه ومن وقتها بدات اشعر بان مذكراتى دى مهدده
بخطر الاطلاع عليها لكل من يهمه الامر ويهمه يعرف انا بفكر ف ايه وازاى وده ممكن يحصل
ف اى وقت ومن سعتها وانا متنتهاش وقررت انى اتوقف عن كتابه اى شئ حتى اسمى على ورقه
جرنان بس لاقيت ان لازم يكون فيه حل واخيرا لاقيته
الاشعار
فيها ايه لو الواحد يعبر عن الاحساس الى جواه بكلام موزون ياخذ شكل الشعر او النثر او حتى الزجل
وده طبعا محصلش الا لما اتأكدت انى بعرف ف الشعر وعندى الموهبه دى ومن ثم قررت انى اتخذ
من الشعر الصديق الذى يسمعنى ويشعر بى ويفهمنى بدون كلام واعتدت ان اكتب الشعر دوما ايا كان
الوقت او الموقف ولاقيت ان دى طريقه لا تحتوى على نسبه فضايح عليا والا ما كنتش نشرتها عليكوا
وعموما انا حبقى اعرض عليكوا اشعارى المتواضعه الى تعتبر احاسيس خالصه وتجارب حقيقيه
اكتر منها فن ادبى له قواعد واصول يلتزم بيها من يكتبها ...............................اتمسوا بالخير